علاش الفن فالمغرب و خصوصا الموسيقى مابغاتش تزيد القدام مع العلم أنه ولات عندنا (concurrence) و عندنا أصوات ، ملحنين ، و موزعين شباب إلى غير ذلك… فالمستوى ؟؟؟؟
علاش ماعندناش صناعة موسيقية لحد الآن…..؟
علاش مايستافدوش من تجربة ديال بعض الدول لي ناجحة عندهم الصناعة الموسيقية و يطبقوها بالطريقة لي تجي معانا….
علاش الفنانين ما يتجمعوش و تكون عندهم كلمة وحدة….؟
شنو كيستافد الفنان لما كيخرج الجديد ديالو باستتناء المهرجانات (في حالة ما اذا تم استدعائه) مع العلم أنه كيخسر من جيبو ؟؟؟
الناس المتتبعين و المستمعين فاش كيشوفو بعض الفنانين لابسين مزيان و ضاحكين و فرحانين كيسحاب ليهم واش كولشي بحالهم….أو كتلقى شي فنان كيتقاتل باش يبان بصورة مشرفة و زوينة و لكن العكس هو لي كاين …
الفنان إلا معندوش مدخول آخر أو شي حد لي يعاونو شنو غادي يدير….
مكرهناش نشوفو ناس كتشد صف و تشري التذكرة باش تدخل تفرج شي حفل كبير ديال فنان مغربي بحال لي كنشوفو برا…
و المهم فهادشي كاااامل كذلك قبل مايفكرو يقادو هادشي ، خاص الفنان يكون متخلق و محترف و يسمع الهضرة و مايتغرش و مايحرقش (les étapes) و زيد و زيد …
